ఈ పుట ఆమోదించబడ్డది
రేకు: 0179-05 బౌళి సం: 02-396 శరణాగతి
పల్లవి:
జలజనాభ హరి జయ జయ
యిల మానేరము లెంచకువయ్యా
చ. 1:
బహుముఖముల నీప్రపంచము
సహజగుణంబుల చంచలము
మహిమల నీ విది మరి దిగవిడువవు
విహరణ జీవులు విడువఁగఁగలరా
చ. 2:
పలునటనల యీప్రకృతి యిది
తెలియఁగఁ గడునింద్రియవశము
కలిసి నీ వందే కాఁపురము
మలినపు జీవులు మానఁగఁగలరా
చ. 3:
యిరవుగ శ్రీవేంకటేశుఁడ నీమాయ
మరలుచ నీవే సమర్థుఁడవు
శరణనుటకే నే శక్తుఁడను
పరు లెవ్వరైనాఁ బాపఁగఁగలరా
