ఈ పుట అచ్చుదిద్దబడ్డది
రేకు: 0175-02 సామంతం సం: 02-370 అంత్యప్రాస
పల్లవి: ఆరసి వేరొకచో ముక్తడుగఁగవలదు
సారపు లౌకికవిమోచనమే ముక్తి
చ. 1: మొగిఁ బుణ్యపాపవిముక్తియే ముక్తి
వెగటుఁ బ్రపంచపువిముక్తే ముక్తి
తగులు సంసారబంధవిముక్తే ముక్తి
జగములోఁ గలుగు యాశాముక్తే ముక్తి
చ. 2: కామక్రోధాదిసంగ విముక్తే ముక్తి
వేమారు రుచులపై విముక్తే ముక్తి
నాముల దేహభిమానపు ముక్తే ముక్తి
పామెడి కోరికలసంపద ముక్తే ముక్తి
చ. 3: ముందువెనకల కర్మమోచనమే ముక్తి
అంది సుఖదుఃఖభయ ముక్తే ముక్తి
కందువ శ్రీవేంకటేశుఁ గని యందే శరణని
విందుల నితరసేవావిముక్తే ముక్తి