ఈ పుట అచ్చుదిద్దబడ్డది
రేకు: 0172-04 దేసాక్షి సం: 02-353 అధ్యాత్మ
పల్లవి: సోదించి చూడఁబోతే చూచి మఱపు
వో దేవదేవ మించె నోహో నీమాయ
చ. 1: వొక్కటే పదార్థము వూరివారెల్లాఁ జూచితే
గుక్కిళ్లు మింగించి యాసకొలుపుచుండు
మక్కళిం చెందరిలోని మనసులు వేరు వేరో
వొక్కటో యేమనవచ్చు నోహో నీమాయ
చ. 2: ధరలో బిడ్డ వొక్కటి తల్లిదండ్రులిద్దరు
తొరలింపు వేడుకలై తోఁచుచుండు
పెరిగేటి పుట్టుగులు భేదమో అభేదమో
వొరుల కేమనవచ్చు నోహో నీమాయ
చ. 3: కోరే మోక్ష మొక్కటే కొలచే దిద్దరినట
చేరే ని న్నలమేల్మంగ శ్రీవేంకటేశ
మీరిద్దరు నేకమౌ మీభావాలే వింతలో
వూరకే యేమనవచ్చు నోహో నీమాయ
