ఈ పుట ఆమోదించబడ్డది
రేకు: 0164-03 శ్రీరాగం సం: 02-308 దశావతారములు
పల్లవి: వారివారి కర్మములే వారిఁ జుట్టుకొనఁగాను
యీరీతి నీవే వారియెఱుక మాల్పితివి
చ. 1: హిరణ్యకశిపుపాటు యెఱుఁగఁడా రావణుఁడు
ధరలో హరికిఁ బగై తానూఁ బొలిసె
విరసపు కంసుగతి వినఁడా దుర్యోధనుఁడు
సరుగఁ దానూఁ బగై సమసినాఁడు
చ. 2: తెగి మురాసురుజాడ తెలియఁడా నరకుఁడు
మొగిసి పోటుకుఁ బోయి మొక్కపోయను
సొగిసి సోముకుదెస చూడరా దానవులెల్లా
మగిడి మగడి పోరి మడిసిరి గాక
చ. 3: బలివోయిన తెరువు బాణుఁడు విచారించఁడా
బలిమిఁ దొడరి భంగపడెఁ గాక
యెలమి శ్రీవేంకటేశా యెవ్వరి నేమనవచ్చు
యెలమి నిప్పటివార నెఱఁగరే కాక