ఈ పుట ఆమోదించబడ్డది
రేకు: 0160-02 మాళవిగౌళ సం: 02-288 వైరాగ్య చింత
పల్లవి: ఇన్నిటికిఁ బ్రేరకుఁడు యీశ్వరుఁడింతే
పన్ని యీతనిఁ దెలిసి బ్రదుకుటే జ్ఞానము
చ. 1: మనసునఁ బుట్టిన మంకుఁ గామక్రోధాలు
పనిలేవు తనకంటేఁ బాప మంటదు
పనివి తొడమ నూడి పండు తీఁగె నంటదు
జనులకెల్లాఁ బ్రకృతిసహజ మింతే
చ. 2: చేతులారఁ జేసేటి చేకొన్న కర్మానకు
ఘాతలఁ గర్తఁ గానంటే కట్టువడఁడు
ఆతల నబక ముంచినట్టి వేఁడి చెయ్యంటదు
జాతి దేహము మోఁచిన సహజ మింతే
చ. 3: వాకున నాడినయట్టి వట్టి పల్లదాలనెల్లా
దాకొని పొరయనంటే తప్పులే లేవు
పైకొని శ్రీవేంకటేశుబంటుకు వళకు లేదు
సైకమైన హరిభక్తి సహజ మింతే
