ఈ పుట ఆమోదించబడ్డది
రేకు: 0158-05 సామంతం సం: 02-280 కృస్ణ
పల్లవి: కోటిమన్మథాకార గోవింద కృష్ణ
పాటించి నీమహిమలే పరబ్రహ్మము
చ. 1: అకాశమువంటి మేన నమరేమూ ర్తివి గాన
అకాశనదియే నీకు నభిషేకము
మేకొని నీవే నిండుమేఘవర్ణుఁడవు గాన
నీకు మేఘపుష్పాలే పన్నీరుకాపు
చ. 2: చంద్రుడు నీమనసులో జనించె నటుగాన
చంద్రికలు కప్రకాపై సరి నిండెను
ఇంద్రనీలపుగనుల యిలధరుఁబడవు గాన
తంద్రలేని యీపె చూపే తట్టు పునుఁగాయను
చ. 3: లక్ష్మీపతివిగాన లాగుల నీవురముపై
లక్ష్మి యలమేలుమంగే లలి నీతాళి
సూక్ష్మమై శ్రీవేంకటేశ చుక్కలపొడవు గాఁగ
పక్ష్మనక్షత్రములే యాభరణహారములు
