ఈ పుట ఆమోదించబడ్డది
రేకు: 0158-04 శ్రీరాగం సం: 02-279 వేంకటగానం
పల్లవి: సకలలోకనాథుఁడు జనార్దనుఁ డితఁడు
శుకయోగివంద్యుని సుజ్ఞాన మెంత
చ. 1: మరుని తండ్రికిని మఱి చక్కఁదనమెంత
సిరిమగని భాగ్యము చెప్పనెంత
పురుషోత్తము ఘనత పొగడఁగ నిఁక నెంత
గరిమ జలధిశాయి గంభీర మెంత
చ. 2: వేవేలు ముఖాలవాని నిగ్రహము చెప్ప నెంత
భూవల్లభుని వోరుపు పోలించ నెంత
వావిరి బ్రహ్మతండ్రికి వర్ణింప రాజస మెంత
యేవల్లఁ జక్రాయుధుని కెదురెంచ నెంత
చ. 3: అమితవరదునికి ఔదార్యగుణ మెంత
విమతాసురవైరివిక్రమ మెంత
మమతల నలమేలుమంగపతి సొబ గెంత
అమర శ్రీవేంకటేశు ఆధిక్య మెంత
