ఈ పుట ఆమోదించబడ్డది
రేకు: 0105-03 కాంబోది సం: 02-027 వైరాగ్య చింత
పల్లవి: సంతలే చొచ్చితిఁగాని సరకుఁ గాననైతి
యింతట శ్రీహరి నీవే యిటు దయఁజూడవే
చ. 1: కాంత చనుఁగొండలు కడకు నెక్కితిఁ గాని
యెంతైనా నా మోక్షపుమెట్లు యెక్కలేనైతి
అంతట జవ్వనమనే అడవి చొచ్చితిఁ గాని
సంతతహరిభక్తెనే సంజీవి గాననైతి
చ. 2: తెగి సంసారజలఁధిఁ దిరుగులాడితిఁ గాని
అగడై వైరాగ్యరత్న మది దేనైతి
పొగరు జన్మాల రణభూములు చొచ్చితిఁగాని
పగటుఁ గామాదుల పగ సాధించనైతి
చ. 3: తనువనియెడి కల్పతరువు యెక్కితిఁ గాని
కొన విజ్ఞానఫలము గోయలేనైతి
ఘనుఁడ శ్రీవేంకటేశ కమ్మర నీకృపచేతఁ
దనిసి యేవిధులనుఁ దట్టువడనైతి
