ఈ పుట ఆమోదించబడ్డది
రేకు: 0158-03 శంకరాభరణం సం: 02-278 నృసింహ
పల్లవి: వేదములు నుతించఁగ వేడుకలు దైవారఁగ
ఆదరించీ దాసుల మోహననారసింహుఁడు
చ. 1: నెఱులజడలతోడ నిక్కుఁ గర్ణములతోడ
కుఱుచకొమ్ములతోడ కోఱలతోడ
వుఱక సిరిఁ దొడపై నుంచక సింహాసనాన
మెఱసీఁ బ్రతాపములు మేటినారసింహుఁడు
చ. 2: నిడుపమీసాలతోడ నిట్టూరుపులతోడ
మిడుగుడ్లతోఁ దెల్లనిమేనితోడ
వొడలసొమ్ములు వెట్టి వొడ్డోలగమై వుండి
కడు మంచివరాలిచ్చీ ఘననారసింహుఁడు
చ. 3: చిలుకుగోళ్ల తోడ సెలవినవ్వులతోడ
బలు జిహ్వతోడ యోగపట్టెము తోడ
అలరి శ్రీవేంకటాద్రి నహోబలగిరిని
అల ప్రహ్లాదునిఁ గాచె నాదినారసింహుఁడు
