ఈ పుట ఆమోదించబడ్డది
రేకు: 0158-01 గౌళ సం: 02-276 వైరాగ్య చింత
పల్లవి: గట్టిగాఁ దెలుకొంటే కన్నదే కంటి గురుమ (తు ? )
దట్టమైన సుజ్ఞానము తనలోనే వున్నది
చ. 1: బయలే పంటలు వండె బయలే పాఁడి విదికె
బయలు ప్రపంచమై భ్రమయించెను
బయటనే ప్రకృతియు బయటనే జీవులు
బయటనే బ్రహ్మము పరిపూర్ణమాయె
చ. 2: ఆకసము చూలాయ నాకసము రూపులాయ-
నాకసము సంసారమై యలవడెను
ఆకసాన దివియును నాకసాన లోకములు
ఆకసాన శ్రీహరి యవతారమందెను
చ. 3: అంతరంగమే భోగము అంతరంగమే యోగము
అంతరంగమే అన్నిటి కావాసమయ్యే
అంతరంగాన శ్రీవేంకటాధిపుఁ డున్నవాఁడు
అంతరంగాన మోక్షము అతఁడే యొసఁగెను
