ఈ పుట ఆమోదించబడ్డది
రేకు: 0153-05 రామక్రియ సం: 02-250 నృసింహ, హనుమ
పల్లవి: మగటిమిగల హనుమంతరాయ
దిగువపట్టణములోని దేవ హనుమంత
చ. 1: చక్కఁగాఁ దోఁక చాఁచి జంగవెట్టి చేచాఁచి
అక్కజపు ప్రతాపపు హనుమంతుఁడా
రక్కసులఁ దునుమాడి రాముని దేవులకు
దిక్కై వుంగరమిచ్చిన దేవ హనుమంత
చ. 2: కీలుగంటు వేసుకొని కెరలి పిడికిలించి
ఆలకించేవు దిక్కులు హనుమంతుఁడా
నేలకు మింటికి మేను నిండఁ బెరిగి యక్షుని
తీలు పడఁగొట్టినట్టి దేవ హనుమంతుఁడా
చ. 3: తమితోడ దాసులను తప్పక కాచేనని
అమర నభయమిచ్చిన హనుమంతుఁడా
జమళి శ్రీవేంకటేశు సరస వూడిగానకు
తిమురుచు నుండేయట్టి దేవ హనుమంతా
