ఈ పుట ఆమోదించబడ్డది
రేకు: 0153-01 నాట సం: 02-246 హరిదాసులు
పల్లవి: పొరి నీకును విఱిగిపోయిన దానవులు
బిరుదులుడిగి వోడబేహారులైరి
చ. 1: మకుటాలు దీసి జటామకుటాలు గట్టుకొని
వెకలి రిపులు మునివేషులైరి
మొకములను సోమపు మొకములు వెట్టుకొని
అకటా కొందరు రిపు లాటవారైరి
చ. 2: పేరులు విడిచి సంకుఁబేరులు మెడ వేసుక
సారెకుఁ గొందరు శివసత్తులైరి
బీరపుసాములు మాని పెద్దగడసాము నేర్చి
తోరపుఁ బగతులెల్లా దొమ్మరులైరి
చ. 3: నాదించ వెఱచి సింగినాదా లూదుకొంటాను
సోదించేరటాఁ గొందరు జోగులైరి
యీ దెస శ్రీవేంకటేశ యిన్నియు మాని కొందరు
దాదాత నీశరణని దాసరులైరి