ఈ పుట ఆమోదించబడ్డది
రేకు: 0152-06 నాట సం: 02-245 శరణాగతి
పల్లవి: విఱిగి పారెడియట్టి వీరిడి యో రిపులాల
తఱి శరణుచొరరో దండాలు వెట్టరో
చ. 1: వీఁడె వచ్చెఁ గృష్ణుఁడిదె వేయరో కైదువులు
కాఁగినపోట్లు రాఁగీ కదియకురో
పోఁడిమితో భీతివాయ పూరి నోళ్లఁ గరవరో
ఆఁడువార మనుకోరో ఆతఁడు దడవఁడు
చ. 2: గోవిందుఁడు దాడివచ్చె గునుకుచుఁ బారరో
కావు మని మెడలఁ బాగలు వేయరో
వేవేగ బిడ్డలఁ బేర్లు విభునికిఁ బెట్టరో
వో వో యెంగిలికిఁ జేతు లొగ్గరో రక్షించీని
చ. 3: మొత్తీ శ్రీవేంకటేశుఁడు మూలలకు దాఁగరో
వొత్తిలి పంతములిచ్చి మీ రోడఁగదరో
హత్తి మీతలలు విరియఁగఁ బోసుకొనరో
బొత్తుగా మిమ్ము గెలిచెఁ బొగడరో మెచ్చీని
