ఈ పుట ఆమోదించబడ్డది
రేకు: 0152-03 సౌరాష్ట్రం సం: 02-242 అధ్యాత్మ
పల్లవి: తలఁచుకో వో మనస తగిన ద్రిష్టము లివి
వెలలేక తెచ్చేటి వివేకము లోధనము
చ. 1: గాలిఁబోయేఁ మాటలు లోకములోని సుద్దులెల్లా
గాలిఁ బో వెన్నఁడును శ్రీకాంతునుతులు
జాలిఁబడే సేఁతలుసంసారభోగములెల్లా
జాలిలేనివి విష్ణుని సంతతపుపూజలు
చ. 2: మాయమౌ గొన్నాళ్లకు మానుషకృత్యములెల్లా
మాయముగానివి దైవికమహిమలెల్లా
కాయకములే తమ కల్పితము లన్నియును
కాయకము గాక నిల్చుఁ గమలాక్షు మన్నన
చ. 3: వుడివోవు రాఁగారాఁగా నున్నతకర్మఫలాలు
వుడివోదు దేవునిపై నొనరు భక్తి
జడియ నితరులిచ్చేసకల వరములును
జడియదు శ్రీవేంకటేశ్వరుఁడిచ్చే వరము