ఈ పుట ఆమోదించబడ్డది
రేకు: 0152-02 మంగళకౌశి‌క సం: 02-241 అధ్యాత్మ
పల్లవి: దేవుఁడొక్కఁడే గురి దెలిసినవారికి
యీవలావల చూచినా నిఁకలేదు తెఱఁగు
చ. 1: కోపము మానితేనే కోటిజపాలు సేయుట
పాపము సేయకుంటేనే బలుతపము
లోపల తానూరకుంటే లోకమెల్లాఁ జరించుట
మాపుదాఁకా వెదకినా మఱిలేదు తెఱఁగు
చ. 2: పరకాంత నంటకుంటె బలుపుణ్యాలు సేయుట
సొరిది నాసమానుటే సోమపానము
సరిమోనాన నుండుటే సన్యాసము చేకొనుట
యిరవైతే నంతకంటే నిఁకలేదు తెఱఁగు
చ. 3: పలు సుఖదుఃఖములఁ బాసి వుండుటే మోక్షము
అల చంచలము మానుటది యోగము
యిలపై శ్రీవేంకటేశుఁ డిచ్చిన సుజ్ఞానమిది
యెలమి బుద్ధిఁ బోల నిఁకలేదు తెఱఁగు
