ఈ పుట ఆమోదించబడ్డది
రేకు: 0151-05 సాళంగనాట సం: 02-239 తేరు
పల్లవి: దిక్కులు సాధించఁబూని దేవదుంధుభులు మ్రోయ
యెక్కువ శ్రీవేంకటేశుఁ డెక్కెఁ దేరు
చ. 1: పన్నిద్దరు సూరియుల బండికండ్లతేరు
సన్నుతి శేషాదిదేవాసనపుఁ దేరు
కన్నులపండుగైన గరుడధ్వజపుఁ దేరు
యెన్నఁగ శ్రీవేంకటేశుఁ డెక్కె నిదె తేరు
చ. 2: మించు నానా మేఘముల మేలుకట్ల తేరు
చుంచులనక్షత్రాల కుచ్చుల తేరు
అంచెదేవతలే బొమ్మలై వుండినట్టి తేరు
యెంచఁగ శ్రీవేంకటేశుఁ డెక్కె నిదె తీరు
చ. 3: అట్టె కిం దేడులోకము లంతరువులైన తేరు
నట్టనడుమను బ్రహ్మాండపు తేరు
దిట్ట యలమేల్మంగతోఁ దిరమైవుండేటి తేరు
యిట్టె శ్రీవేంకటేశుఁ డెక్కె నిదె తేరు
