ఈ పుట ఆమోదించబడ్డది
రేకు: 0150-06 సామంతం సం: 02-234 గురు వందన, నృసింహ
పల్లవి: ఇట్లానే యోగలక్ష్య మెఱుఁగుకొంటే ఫలించు
యెట్టయినా గురువాక్య మేమరకుఁడీ
చ. 1: కాంతఁ దలచుకొంటేనే కామోద్రేకము వుట్టు
యింతలోఁ గూడెనా యేడకేడ సూత్రము
చింతకాయతొక్కు చూచితేనే నోరూరు
యెంతకెంతదవ్వు యేడకేడ సూత్రము
చ. 2: వీనుల మంచిమాటలు వింటేనే సంతోష ముబ్బు
యేనిజము గనె నేడకేడ సూత్రము
ఆనించితే నాలుకనే ఆరురుచులుఁ దెలిసీ
యీనెపమున నేడకేడ సూత్రము
చ. 3: ముక్కుకొనఁ బ్రాణ ముండి ముందువెనుకకు వచ్చి
యెక్కడ మోచున్న దేడకేడ సూత్రము
చిక్కి శ్రీవేంకటేశుఁడు జీవుల కంతర్యామి
యిక్కు వెఱిఁగితే నీడ కిదే సూత్రము
