ఈ పుట ఆమోదించబడ్డది
రేకు: 0150-02 సాళంగం సం: 02-230 అంత్యప్రాస
పల్లవి: భోగించఁ బుట్టిన సొమ్ము పొంచి పరానకేలోపు
శ్రీగురుఁడ నీవే దయసేతువు గాని
చ. 1: యీరెండుచేతులే యిన్ని పాపాలకు నోపు
వూరకే పుణ్యము సేయనోపవు గాని
మారుకొ నీరెండుగాళ్లే మాపుదాఁకాఁ జుట్టనోపు
యేరీతి దేవ నీగుడి కేఁగ నలసుఁ గాని
చ. 2: కన్ను లివి రెండే మిన్నుగలంతాఁ జూడనోపు
ఉన్నతి నాసాగ్రదృష్టి కోపవు గాని
అన్నిటా రెండుపెదవు లధరామృతాన కోపు
సన్నల మోక్షముత్రోవ జపించవు గాని
చ. 3: యీవీనులు రెండే విశ్వమంతా నాలించనోపు
వోవల శాస్త్రాలకైతే నోపవు గాని
శ్రీవేంకటేశ నీవే చిత్తాన జ్ఞానమిచ్చితే
భావించి జీవుఁడిన్నిటా బ్రదుకనోపుఁ గాని
