ఈ పుట ఆమోదించబడ్డది
రేకు: 0150-01 నాట సం: 02-229 దశావతారములు
పల్లవి: దానవారితోడి పగ ధరించరాదు మీకు
కానుకిచ్చి శరణని కప్పము లియ్యరో
చ. 1: భ్రమసి వార్ధిఁబడ్డాను పాతాళము దూరినాను
సమయింపక మానఁడు శత్రులార
రమణ భూమిచొచ్చిన బ్రహ్మచే వరముగొన్న
తమిఁ జంపక మానఁడు దై తేయులాల
చ. 2: రాసి మిన్నులో దాఁగిన రాచమూకలలోనున్న
కోసివేసీఁ దల లరి కుమతులాల
ఆసఁ ద్రికూటమెక్కినా ఆచక్రవాళమంటినా
తోసి సాధించకపోఁడు దుర్మతులాల
చ. 3: సతుల మాఁటుననున్నా సరి నెందెందు వోయినా
రతి మెట్టక మానఁడు రాకాసులాల
యితఁడు శ్రీవేంకటేశుఁ డెదురులేదితనికి
గతియని మొక్కరో వో కపటులాల
