ఈ పుట ఆమోదించబడ్డది
రేకు: 0149-03 పాడి సం: 02-225 భగవద్గీత కీర్తనలు
పల్లవి: ఇహపరసాధన మీ తలఁపు
సహజజ్ఞానికి సతమీ తలఁపు
చ. 1: సిరులు ముంగిటను జిగిఁ దడఁబడఁగా
హరిని మఱువనిది యది దలఁపు
సరిఁ గాంతలెదుట సందడిగొనఁగా
తిరమయి భ్రమయనిదే తలఁపు
చ. 2: వొడలి వయోమద ముప్పతిల్లినను
అడఁచి మెలుగుట యది దలఁపు
కడఁగుచు సుఖదుఃఖములు ముంచినను
జడియని నామస్మరణమే తలఁపు
చ. 3: మతి సంసారపుమాయ గప్పినను
అతికాంక్షఁ జొరనిదది తలఁపు
గతియై శ్రీవేంకటపతి గాచిన
సతతము నితనిశరణమే తలఁపు
