ఈ పుట ఆమోదించబడ్డది
రేకు: 0148-05 రామక్రియ సం: 02-221 దశావతారములు
పల్లవి: శ్రీవేంకటేశ్వరుని సింగారము వర్ణించితే
యే విధాన దలచినా యిన్నిటికిఁ దగును
చ. 1: కరిరాజుఁ గాచిన చక్రమువట్టిన హస్తము
కరితుండమని చెప్పఁగా నమరును
వరములిచ్చేయట్టి వరదహస్తము కల్ప-
తరుశాకయని పోల్పఁదగు నీకును
చ. 2: జలధిఁ బుట్టిన పాంచజన్యహస్తము నీకు
జలధితరఁగయని చాటవచ్చును
బలుకాళింగుని తోఁకపట్టిన కటిహస్తము
పొలుపై ఫణీంద్రుడని పొగడఁగఁదగును
చ. 3: నలినహస్తంబుల నడుమనున్న నీయుర-
మలమేలుమంగ కిరవఁదగును
బలు శ్రీవేంకటగిరిపై నెలకొన్న నిన్ను-
నలసి శ్రీవేంకటేశుఁ డనదగును ॥శ్రీవేం
