ఈ పుట ఆమోదించబడ్డది
రేకు: 0104-03 మలహరి సం: 02-021 అంత్యప్రాస
పల్లవి: కంచూఁ గాదు పెంచూఁ గాదు కడుఁబెలుచు మనసు
యెంచరాదు పంచరాదు యెట్టిదో యీమనసు
చ. 1: పట్టఁ బసలేదు చూడ బయలుగాదీమనసు
నెట్టనఁ బారుచునుండు నీరూఁ గాదీమనసు
చుట్టిచుట్టి పాయకుండుఁ జుట్టమూఁ గాదీమనసు
యెట్టనెదుటనే వుండు నేఁటిదో యీమనసు
చ. 2: రుచు లెల్లాఁ గానుపించు రూపు లేదు మనసు
పచరించు నాసలెల్లాఁ బసిఁడి గాదీమనసు
యెచటాఁ గరఁగదు రాయీఁ గాదు మనసు
యిచటా నచటాఁ దానే యేఁటిదో యీమనసు
చ. 3: తప్పక నాలోనుండు దైవముఁ గాదు మనసు
కప్పిమూఁటగట్టరా దు గాలీఁ గాదు మనసు
చెప్పరానిమహిమలశ్రీవేంకటేశుఁ దలఁచి
యిప్పుడిన్నిటా గెలిచె నేఁటిదో యీమనసు