ఈ పుట ఆమోదించబడ్డది
రేకు: 0147-06 మాళవి సం: 02-216 హనుమ
పల్లవి: కలశాపురముకాడఁ గాచుకున్నాఁడు
వలసిన వరాలిచ్చీ వాయునందనుఁడు
చ. 1: మాయాబిలము చొచ్చి మగుడి యంబుధిలోని-
చాయాగ్రహముఁ జంపి చయ్యన దాఁటి
ఆయెడ లంకిణిఁ గొట్టి యంతలో జానకిఁగని
వాయువేగాన వచ్చిన వాయునందనుఁడు
చ. 2: కడలిదరినుండిన కపులతోఁ గూడికొని
వడదీరఁగా మధువనము చొచ్చి
బడి రామునికి సీతాపరిణామ మెల్లాఁ జెప్పె
వడిగలవాఁడితఁడు వాయునందనుఁడు
చ. 3: రావణాదిరాక్షసుల రామునిచే సాధింపించి
ఆవిభుని సీతఁ గూర్చి అయోధ్య నుంచె
శ్రీవేంకటేశుఁ గొల్చి శిష్టరక్షణమునకై
వావిరి నిలుచున్నాఁడు వాయునందనుఁడు
