ఈ పుట ఆమోదించబడ్డది
రేకు: 0147-01 సామంతం సం: 02-211 శరణాగతి
పల్లవి: ఎట్టు దోయవచ్చు విని నెంతటివారికై నాను
పట్టి నీకు శరణంటే బ్రదికింతువు గాక
చ. 1: మాలతనమువంటిది మతిఁదగులుఁ గామము
అలరి ముట్టువంటిది అంటుఁగ్రోధము
కేలి నొదిగించు నెంగిలివంటిది లోభము
వాలాయించి నెందుండై నా వచ్చును లోకులకు
చ. 2: చుట్టి మద్యమువంటిది చొక్కించు మోహము
వట్టి మాంసమువంటిది వయోమదము
పుట్టిన భ్రమవంటిది పొదిగిన మచ్చరము
వుట్టిపడి నోరూరించు నూరకే ప్రాణులను
చ. 3: గోడమఱఁగు వంటిది గుట్టుతోడి సంసారము
వీడని కట్టువంటిది వేడుకయాస
యీడనే శ్రీవేంకటేశ యేలితివి నీదాసుల
జాడదప్పనియ్యవు యీచందము జీవులది
