ఈ పుట ఆమోదించబడ్డది
రేకు: 0145-06 సామంతం సం: 02-205 వైరాగ్య చింత
పల్లవి: ఇందరూ జీవులే యెంచి చూచితే-
నందులో భావము లవియే వేరు
చ. 1: అంతటఁ జూచిన యాహారనిద్రలు
జంతురాసులకు సహజములు
సంతోషంబును సాత్వికగుణమును
శాంతచిత్తులకు సహజములు
చ. 2: మనసునఁగల కామక్రోధంబులు
జననశీలులకు సహజములు
వినయంబును ఘనవిజ్ఞానము స-
జ్జనుల కెపుడును సహజములు
చ. 3: విడువని యాసలు వేవేలు చింతలు
జడులకు నం(నెం ?) దును సహజములు
బడి శ్రీవేంకటపతి కొలువుఁ దపము
జడియని దాసుల సహజములు
