ఈ పుట ఆమోదించబడ్డది
రేకు: 0145-03 కన్నడగౌళ సం: 02-202
పల్లవి: నిన్ను నమ్మి విశ్వాసము నీపై నిలుపుకొని
వున్నవాఁడ నిఁక వేరే ఉపాయ మేమిటికి
చ. 1: గతియై రక్షింతువో కాక రక్షించవోయని
మతిలోని సంశయము మఱి విడిచి
యితరులచే ముందర నిఁక నెట్టౌదునోయని
వెతతోడఁ దలఁచేటి వెఱపెల్లా విడిచి
చ. 2: తిరమైన నీమహిమ తెలిసేవాఁడననే-
గరువముతోడి వుద్యోగము విడిచి
వెరవున నీరూప వెదకి కానలేననే-
గరిమ నలపు నాస్తికత్వమును విడిచి
చ. 3: ధ్రువమైన నాచేఁతకు తోడు దెచ్చుకొనేననే
అవల నన్యులమీఁది యాస విడిచి
వివరిం చలమేల్మంగవిభుఁడ శ్రీవేంకటేశ
తవిలితి నాపుణ్యమంతయు నీకు విడిచి