ఈ పుట ఆమోదించబడ్డది
రేకు: 0142-04 దేవగాంధారి సం: 02-186 భగవద్గీత కీర్తనలు
పల్లవి: ఒక్కఁడే మోక్షకర్త వొక్కటే శరణాగతి
దిక్కని హరిఁ గొల్చి బదికిరి తొంటివారు
చ. 1: నానా దేవతలున్నారు నానా లోకములున్నవి
నానా వ్రతాలున్నవి నడచేటివి
జ్ఞానికిఁ గామ్యకర్మాలు జరపి పొందేదేమి
ఆనుకొన్న వేదోక్తాలైనానాయఁ గాక
చ. 2: వొక్కండు దప్పికి ద్రావు వొక్కడు కడవ నించు
నొక్కఁ డీఁదులాడు మడుగొక్కటి యందే
చక్క జ్ఞానియైనవాఁడు సారార్థము వేదమందు
తక్కక చేకొనుఁ గాక తలకెత్తుకొనునా
చ. 3: యిది భగవద్గీతార్థమిది యర్జునునితోను
యెదుటనే వుపదేశమిచ్చెఁ గృష్ణుఁడు
వెదకి వినరో శ్రీవేంకటేశు దాసులాల
బ్రదుకుఁ ద్రోవ మనకు పాటించి చేకొనరో
