ఈ పుట ఆమోదించబడ్డది
రేకు: 0142-01 రామక్రియ సం: 02-183 అధ్యాత్మ
పల్లవి: అందుకల్లా లోనుగాన అట్టె యెచ్చరికెతోడ
పొందుగా హరిఁ దలఁచే పురుషుడే ఘనుఁడు
చ. 1: చలములు పుట్టించ సారె మచ్చరము రేఁచ
కలుగు నానావిధ కారణములు
తలఁపులు భ్రమయించ తగువేడ్క లొనరించ
పలుమా రెదుట నిల్చు బహురూపాలు
చ. 2: తగవులు దిద్దించ తగ నలమటఁ బెట్ట
తగులు ననేకబంధములెల్లాను
పగ సాధింపించ నప్పటి నుపాయాలు నేర్ప
నిగిడివచ్చు ననేకనెపములెల్లాను
చ. 3: తేరకే మేనలయించ దేశమెల్లా నావటించ
వూరకే తోఁచు ననేకవుద్యోగాలు
కోరి శ్రీవేంకటేశ్వరుఁ గొలిచి నిశ్చింతుఁ డైతే
ఆరయ మతిలో నిండు నానందాలు
