ఈ పుట ఆమోదించబడ్డది
రేకు: 0138-05 రామక్రియ సం: 02-164 అంత్యప్రాస
పల్లవి: చాటెదనిదియే సత్యము సుండో
చేటులేదీతని సేవించినను
చ. 1: హరినొల్లని వారసురలు సుండో
సుర లీతని దాసులు సుండో
పరమాత్ముఁడితఁడె ప్రాణము సుండో
మరుగక మఱచిన మఱి లేదిఁకను
చ. 2: వేదరక్షకుఁడు విష్ణుఁడు సుండో
సోదించె శుకుఁడచ్చుగ సుండో
ఆదిబ్రహ్మగన్నాడతఁడు సుండో
యేదెస వెదికిన నితఁడే ఘనుఁడు
చ. 3: యిహపర మొసఁగను యీతఁడె సుండో
వహి నుతించెఁ బార్వతి సుండో
రహస్యమిదివో రహి శ్రీవేంక
మహీధరంబున మనికై నిలిచె
