ఈ పుట ఆమోదించబడ్డది
రేకు: 0136-06 సాళంగం సం: 02-153 అంత్యప్రాస
పల్లవి: ఉన్న మంత్రా లిందు సరా వొగి విచారించుకొంటే
విన్నకన్నవారికెల్ల విష్ణునామమంత్రము
చ. 1: పరగఁ బుచ్చకాయలఁ బరసిపోదు మంత్రము
గరిమ ముట్టంటులేని ఘనమంత్రము
వరుస నెవ్వరువిన్నా వాఁడిచెడని మంత్రము
అరయ నిదొక్కటేపో హరినామమంత్రము
చ. 2: యేజాతినోరికైన నెంగిలిలేని మంత్రము
వోజదప్పితేఁ జెడకవుండే మంత్రము
తేజాన నొకరికిస్తేఁ దీరిపోని మంత్రము
సాజమైన దిదేపో సత్యమైన మంత్రము
చ. 3: యిహముఁ బరముఁ దానే యియ్యఁజాలిన మంత్రము
సహజమై వేదాలసార మంత్రము
బహునారదాదులెల్ల పాటపాడిన మంత్రము
విహితమయిన శ్రీవేంకటేశు మంత్రము
