ఈ పుట ఆమోదించబడ్డది
రేకు: 0136-03 రామక్రియ సం: 02-150 వైరాగ్య చింత
పల్లవి: మెచ్చు; మెచ్చకుంటే మాను; మించి నే నాడకమాన
అచ్చపు నీసూత్రధారి నవధారు దేవ
చ. 1: వొక్కఁడ నే జీవుఁడను వోహో హరీ
పెక్కు బహురూపాలే పెంచి యాడితి
తక్కిన యింద్రియములే తగుమేళము
అక్కజపు విద్యవాఁడ నవధారు దేవ
చ. 2: సూటి నించుకంతవాఁడఁ జూడవే హరీ
వీటి సంసారపుబారి విద్య లాడితి
పాటి నాకర్మమే క్రియాభాషాంగము
ఆటవాఁడ నింతే నేను అవధారు దేవ
చ. 3: చేరి చిత్తగించుమీ శ్రీవేంకటేశ నేఁడు
మేరతో భక్తెనే మోకుమీఁద నాడేను
యీరానిపదవులు యిచ్చితి నాకు
ఆరితేరి గెలిచితి నవధారు దేవ