ఈ పుట ఆమోదించబడ్డది
రేకు: 0135-04 రామక్రియ సం: 02-145 వైరాగ్య చింత
పల్లవి: ఏల మమ్ము గాసిసేసే రింకా మీరు
కాలముతో నిలిచేను కైవల్యపదవి
చ. 1: పాపములు హరినామపఠనచేఁ బాపుకొంటి
కైపుగఁ జిత్రగుప్తుఁ డాకవిలె గట్టు
కోపులఁ బుణ్యములెల్ల గోవిందుని కిచ్చితిమి
పూఁపల స్వర్గము త్రోవ భుజవేయరో
చ. 2: అతుమలో నజ్ఞాన మాచార్యుఁడే పాపె
ఆతల జన్మాల వాకిలటు ముయ్యరో
చేత హరిదాస్యమున జీవన్ముక్తుఁడనైతి
జాతి యధర్మములాల సంబంధము విడరో
చ. 3: పరమాత్ము చింతచేత బదుకు నిశ్చయమాయ
ధరఁ గైవసము గావో తగుచిత్తమా
యిరవైన శ్రీవేంకటేశుఁ డేలుకొనె మమ్ము
పరదేవతలు మాకుఁ బనిలేదు మీరు
