ఈ పుట ఆమోదించబడ్డది
రేకు: 0135-01 శ్రీరాగం సం: 02-142 వేంకటగానం
పల్లవి: బిరుదులన్నియు నీవే బిరుదు లోకములెల్ల
అరయ నీపాదమందె అణఁగుండెఁ గాన
చ. 1: బహుదేవతాసార్వభౌమ బిరుదు నీకే
సహజము నీవు భూసతిపతివి గాన
వహి దేవతాచక్రవర్తి బిరుదు నీకే
విహితము చక్రము చే వెలసేవు గాన
చ. 2: పెను దేవశిఖామణి బిరుదు నీకే చెల్లు
ఘన కౌస్తుభమణి గలవాఁడవు గాన
మును దేవదేవోత్తముఁడను బిరుదు నీకే
ననిచెఁ బురుషోత్తమనాముఁడవు గాన
చ. 3: వొట్టుకొని దేవరాహుత్తరాయ బిరుదు నీదే
కిట్టి రాతిగుఱ్ఱము నెక్కితివి గాన
తిట్టమై శ్రీవేంకటేశదేవ సింహమవు నీవే
అట్టె నారసింహుఁడవై అమరితి గాన
