ఈ పుట ఆమోదించబడ్డది
రేకు: 0119-02 సాళంగనాట సం: 02-110 తేరు
పల్లవి: ఇదివో వీథివీథుల నీతని తేరు
యెదుట శ్రీవేంకటాద్రిని తేరు
చ. 1: చట్టువడఁ దోలె నాఁడు సముద్రాలపైఁ దేరు
ఘెుట్టుగాఁ దోలెను పౌండ్రకునిపైఁ దేరు
జట్టిగొని తోలె జరాసంధునిపై నదె తేరు
కొట్టి తోలె హంసడిచుకులపై(???) తేరు (డిభక డిచికుఁడు - హంసుని సోదరుఁడు)
చ. 2: ఘోరమై కుంగఁగఁ దోలె కులగిరులపైఁ దేరు
కౌరవసేనపై దోలె గక్కనఁ దేరు
కోరి మధురమీఁద నక్రూరుఁ గూడ తోలెఁ దేరు
ఆరసి సంధిమాటలు ఆడఁ దోలెఁ దేరు
చ. 3: తచ్చి శిశుపాలాది దైత్యులపైఁ దోలెఁ దేరు
పెచ్చుగాఁ దోలె రుక్మిణి పెండ్లి తేరు
అచ్చపు శ్రీవేంకటేశుఁ డలమేలుమంగఁ గూడి
చెచ్చెరఁ దోలె దిక్కుల సింగారపుఁ దేరు
