ఈ పుట ఆమోదించబడ్డది
రేకు: 0118-06 బౌళి సం: 02-108 విష్వక్సేన
పల్లవి: ఆర్పులు బొబ్బలె నవె వినుఁడు
యేర్పడ నసురల నిటువలె గెలిచే
చ. 1: కూలిన తలలును గుఱ్ఱపు డొక్కలు
నేలపైఁ బారిన నెత్తురులు
వోలిఁ జూడుఁ డిదె వుద్ధగళలీ రణ-
కేలిని విష్వక్సేనుఁడు గెలిచె
చ. 2: పడిన రథంబులు బాహుదండములు
కెడసిన గజములు గొడగులును
అడియాలము లివె అక్కడ విక్కడ
చిడుముడి విష్వక్సేనుఁడు గెలిచె
చ. 3: పగుల పగుల వృషభాసురునిఁ జంపె
పగ నీఁగె అతని బలములతో
అగపడి శ్రీవేంకటాధిపు పంపున
జిగిగల విష్వక్సేనుఁడు గెలిచె
