ఈ పుట అచ్చుదిద్దబడ్డది
రేకు: 0218-03 లలిత సం: 03-098 అధ్యాత్మ
పల్లవి:
ఏఁటి నేను యేఁటి బుద్ధి యెక్కడి మాయ
వీటిఁ బొయ్యే వెఱ్ఱిఁ గాను వివేకిఁ గాను
చ. 1:
ఆరసి కర్మము సేసి అవి(ది?) నన్నుఁ బొదిగితే
దూరుదుఁ గర్మము గొంది దూరుచు నేను
నేరక లంపటములు నేనే కొన్నిగట్టుకొని
పేరడిఁ బరులనందుఁ బెట్టరంటాను
చ. 2:
యెక్కుడు నా దోషములు యెన్నైనా వుండఁగాను
వొక్కరి పాపము లెంతు వూరకే నేను
తిక్కవట్టి నాకు నాకే దేవతలకెల్లా మొక్కి
వొక్కరివాఁడఁ గాకుందు వుస్సురనుకొంటాను
చ. 3:
విరతిఁ బొందుదుఁ గొంత వేరే సంసారముఁ జేతు
యెరవులవాఁడనే యెప్పుడు నేను
అరిది శ్రీవేంకటేశుఁ డంతలో నన్ను నేలఁగా
దొరనైతి నధముఁడఁ దొల్లే నేను