ఈ పుట ఆమోదించబడ్డది
రేకు: 0292-01 మలహరి సం: 03-530 కృష్ణ
పల్లవి:
విశ్వమెల్ల నీ విరాడ్రూపము
శాశ్వతహరి నీ శరణులము
చ. 1:
కన్నులఁ సూర్యుఁడు కమలాప్తుఁడు నీ-
పన్నిన మోమున బ్రాహ్మణులు
వున్నతి వైశ్యులు వూరువు లందును
యెన్నఁగ శూద్రులు యిదె పాదముల
చ. 2:
యింద్రాది దేవతలీశాన బ్రహ్మము-
నీంద్రు లంగములు నెసఁగిరదే
సాంద్ర లోకములు జఠరంబున నవె
రుంద్ర తేజ మదె రోమముల
చ. 3:
కాలముఁ గర్మముఁ గైవల్యంబును
ఆలోను వెలియునది నీవు
శ్రీలలనాధిప శ్రీవేంకటేశ్వర
కోలు ముందు నినుఁ గొలిచితిమయ్య