ఈ పుట ఆమోదించబడ్డది
రేకు: 0288-01 నాట సం: 03-506 నృసింహ
పల్లవి:
కంభమున వెడలి ఘన నరసింహము
కుంభిని హిరణ్యుఁ గూలిచెను
చ. 1:
తొడికి దైత్యుఁ దన తొడపైకిఁ దిగిచి
కడుపు చించి రక్తము చల్లి
జడియక పేగులు జందెంబులుగా
మెడఁ దగిలించుక మెరసీ వాఁడే
చ. 2:
పెదవులు చింపుచు పెనుగోళ్ల నదిమి
వుదుటుఁ బునుక గొరికుమియుచును
సదరపు గుండెలు చప్పరింపుచును
మెదడు గందముగ మెత్తీ వాఁడే
చ. 3:
దేవతల భయము దీర్చి యంకమున
శ్రీవనితనుఁ గృప సేయుచును
పావనపు టహోబలగిరి దైవము
శ్రీవేంకటగిరిఁ జెలఁగీ వాఁడే