రేకు: 0280-02 లలిత సం: 03-460 వైష్ణవ భక్తి
పల్లవి : |
ఎక్కడి పుట్టుగ లిఁక నెక్కడి మరణములు
మిక్కిలి నీ ముద్రలు నా మేననున్న వివిగో
|
|
చ. 1: |
కెరల పాపములకుఁ గెరల కర్మములకు
హరి నీ నామము నోరనంటితేఁ జాలు
నరకములేమి సేసు నా నేరమేమిసేసు
నిరతి నా మతిలోన నీ వుండఁగాను
|
|
చ. 2: |
చిక్క నింద్రియములకు చిక్కను బంధములకు
చొక్కి హరి నీ మఱఁగు చొచ్చితిఁ జాలు
మొక్కనేలే యెవ్వరికి మొరవెట్ట నేమిటీకి
నిక్కపు మా యిలువేల్పు నీవై వుండఁగా
|
|
చ. 3: |
దగ్గరవు మాయలింక దగ్గరవు దుర్గుణాలు
నిగ్గుల శ్రీవేంకటేశ నీవు గల్గఁగా
యెగ్గులేదు తగ్గులేదు యిఁక నీదాసులలోన
వుగ్గువలె నీప్రసాద మూనినది వొడల
|
|