రేకు: 0269-06 సామంతం సం: 03-400 అంత్యప్రాస
పల్లవి : |
మూఁడుమూర్తులనైన ముంచుకొను నీవలపు
వేఁడి విరహములోనె వేఁచు నీవలపు
|
|
చ. 1: |
పాప మెరఁగదు వలపు భయ మెరంగదు వలపు
రూపెరంగదు మతికి రుచి సేయు వలపు
పూపవయసున పండు వొడమించు నీవలపు
తీపులకుఁ గడుదీపు దినదినము వలపు
|
|
చ. 2: |
సిగ్గెరంగదు వలపు శిర కెక్కును వలపు
వొగ్గించు నన్నిటికి వొడిగట్టు వలపు
బగ్గనను నటు గుండె పగిలించు నీవలపు
అగ్గలపజాణలకు నాయ మీవలపు
|
|
చ. 3: |
తెగువ దెచ్చును వలపు తేలించు నీవలపు
యిగిరించి కలిమిలే మెఱఁగ దీవలపు
వగల శ్రీవేంకటేశ్వరు మాయ లీవలపు
తగులు విరికాని (?) వలెఁ దగిలించు వలపు
|
|