ఈ పుట అచ్చుదిద్దబడ్డది
రేకు: 0206-01 సాళంగనాట సం: 03-031 రామ
పల్లవి:
అని రావణుతల లట్టలుఁ బొందించి
చెనకి భూతములు చెప్పె బుద్ది
చ. 1:
కట్టిరి జలనిధి కపిసేన లవిగో
చుట్టు లంక కంచుల విడిసె
కొట్టిరి దానవకోట్ల తలలదే
కట్టిడి రావణగతియో నీకు
చ. 2:
యెక్కిరి కోటలు యిందరు నొకపరి
చిక్కిరి కలిగిన చెరయెల్ల
పక్కన సీతకుఁ బరిణామమాయ
నిక్కె(క్క?)ము రావణ నీకో బ్రదుకు
చ. 3:
పరగ విభీషణుఁ బట్టము గట్టెను
తొరలి లంకకును తొలుఁదొలుతే
గరిమెల శ్రీవేంకటగిరిరాముఁడు
మెరసెను రావణ మేలాయఁ బనులు