ఈ పుట ఆమోదించబడ్డది
రేకు: 0251-03 సామంతం సం: 03-292 విష్ణు కీర్తనం
పల్లవి:
ధ్రువ విభీషణాదులు సాక్షి
వివరపు జీవులు వెదకేదిది
చ. 1:
దేవేంద్ర సంపద దిక్కుల కెక్కుడు
కావిరినది యొక కాలముది
తావున శ్రీహరిదాసుల సంపద
తేవల నెన్నఁడుఁ దీరనిది
చ. 2:
బలువుగ నడచేటి బ్రహ్మపట్టమును
తొలు బ్రహ్మాండము తోడిది
జలజాక్షుని నిజశరణాగతి యిది
కలకాలమునకుఁ గాణాచి
చ. 3:
వైకుంఠమున కివ్వలిలోకంబులు
రాకలపోకల రచనలవి
యీకడ శ్రీవేంకటేశ్వరు సన్నిధి
పైకొని దొరకిన బ్రదికేదిది