ఈ పుట ఆమోదించబడ్డది
రేకు: 0243-01 శంకరాభరణం సం: 03-242 నృసింహ
పల్లవి:
కలిగిన మీఁదాఁ గడమేలా
పలులంపటములఁ బడుటే కాక
చ. 1:
దురిత మణఁగె నిటు తుదకెక్కె సుఖము
హరి యొక్కఁడె గతియన్నపుడే
పొరి నిఁకఁ జేసెటి పుణ్యములెల్లా
వరుసతోడ నెవ్వరికో కాని
చ. 2:
సార మెరిఁగె తనజన్మము గెలిచెను
శ్రీరమణునిఁ దలఁచినయపుడే
సైరణతో నిఁకఁ జదివేటి చదువు
మేరమీఁద నేమిటికో కాని
చ. 3:
శ్రీవేంకటపతి చిత్తాన నిలిచెను
కావించి గురునిఁ గన్నపుడే
భావించి యితరప్రార్థన లన్నియు
యీవలావలను యెందుకో కాని