ఈ పుట అచ్చుదిద్దబడ్డది
రేకు: 0204-04 గుండక్రియ సం: 0౩-౦22 అధ్యాత్మ
పల్లవి:
ఇతర చింత లిఁక నేమిటికి
అతఁడే గతియై అరసేటివాఁడు
చ. 1:
కర్మమూలమే కాయము నిజ-
ధర్మమూలమే తన యాత్మ
అర్మిలి రెంటికి హరియొకఁడే
మర్మ మీతడే మనిపేటివాఁడు
చ. 2:
బహుభోగమయము ప్రపంచము
నిహితజ్ఞానము నిజముక్తి
ఇహపరములకును యీశ్వరుఁడే
సహజపుఁ గర్తై జరపేటివాఁడు
చ. 3:
అతిదుఃఖకరము లాసలు
సతత సుఖకరము సమవిరతి
గతి యలమేల్మంగతో శ్రీవేంకట
పతి యొకఁడిన్నిటఁ బాలించువాఁడు