ఈ పుట అచ్చుదిద్దబడ్డది
రేకు: 0393-5 రామక్రియ సంపుటం: 11-557
పల్లవి: నే మెటుల నుండినాను నీ కేమి
వేమరు మామీఁది ద్రిష్టి విడువవు నీవు
చ. 1: సెలవి నే నగితేను చేరి య దేమిటి కంటా
నలరి చెప్పు మనుచు నాన వెట్టేపూ
తలఁకేవు నీ వ దేమి తప్పు నీవల్లఁ గలదా
తెలసుకో నీకు నీకే తేటతెల్ల మిఁకను
చ. 2: ముక్కుపై వే లిడుకొంటే ముంచి యేపని కనుచు
గుక్కక తెలుపు మని కొంగు వట్టేవు
మక్కువ నీవల్ల ననుమాన మైనఁ గలదా
చక్క నీవే దిద్దుకొమ్ము చల మేల యిఁకను
చ. 3: తప్పక నేఁ జూచితేను తమకించితి ననుచు
కప్పి కప్పి నన్ను నట్టె కాఁగిలించేవు
యిప్పుఢె శ్రీవెంకటేశ యెనసితి విటు నన్ను
అప్పటి కిప్పుడు నీవే అందము సేసుకొమ్మీ