ఈ పుట అచ్చుదిద్దబడ్డది
రేకు: 9౦84-01 దేవగాంధారి. సం: 04-587 వైరాగ్య చింత
పల్లవి:
ఈజీవునకు నేది గడపల తనకు
నేజాతియును లేక యిట్లున్నవాఁడు
చ. 1:
బహుదేహ కవచములఁ బారవేసినవాఁడు
బహుస్వతంత్రముల నాపద నొందినాఁడు
బహుకాలముల మింగి పరవశంబైనాఁడు
బహుయోనికూపములఁ బడి వెడలినాఁడు
చ. 2:
పెక్కుబాసలు నేర్చి పెంపు మిగిలినవాఁడు
పెక్కు నామములచే జలువఁబడినాఁడు
పెక్కుకాంతలతోడ పెక్కుపురుషులతోడ
పెక్కులాగులఁ బెనఁగి బెండుపడినాఁడు
చ. 3:
ఉండనెన్నఁడుఁ దనకు ఊరటెన్నఁడు లేక
యెండలకు నీడలకు యెడతాఁకినాఁడు
కొండలలో నెలకొన్న కోనేటిరాయని
యండ చేరెదననుచు నాసపడినాఁడు