ఈ పుట అచ్చుదిద్దబడ్డది
రేకు: 0379-04 పాడి సం: 04-462 హనుమ
పల్లవి:
ఒక్కఁడే యేకాంగవీరుఁ డుర్వికి దైవమౌనా
యెక్కడా హనుమంతుని కెదురా లోకము
చ. 1:
ముందట నేలేపట్టమునకు బ్రహ్మయినాఁడు
అందరు దైత్యులఁ జంపి హరి పేరైనాఁడు
అంది రుద్రవీర్యము దానై హరుఁడైనాఁడు
యెందు నీ హనుమంతుని కెదురా లోకము
చ. 2:
చుక్కలు మోవఁ బెరిగి సూర్యుఁడు దానైనాఁడు
చిక్కుఁ బాతాళము దూరి శేషుఁడైనాఁడు
గక్కన వాయుజుఁడై జగత్ప్రాణుఁడై నాఁడు
యెక్కువ హనుమంతుని కెదురా లోకము
చ. 3:
జలధిఁ బుటమెగసి చంద్రుఁడు దానైనాఁడు
చెలఁగి మేరువుపొంత సింహమైనాఁడు
బలిమి శ్రీ వేంకటేశు బంటై మంగాంబుధి -
నిల యీ హనుమంతుని కెదురా లోకము