ఈ పుట ఆమోదించబడ్డది
రేకు: 0307-03 ధన్నాసి సం: 04-039 శరణాగతి
పల్లవి:
హరి నీవు మాలోన నడఁగు టరదుగాక
శరణని నీకు నే జయ మందుటరుదా
చ. 1:
పాపపుణ్యలంపటమైనది మేను
కూపపు యోనులఁ గుంగేటిది మేను
దీపనాగ్నిగల దిష్టము యీమేను
మోపు మోచిన నేము ములిగేది యరుదా
చ. 2:
పొలసి పొద్దొకచాయఁ బొరలేటిమనసు
కొలఁదిలేని యాసఁ గుదురైన మనసు
మలిసి సంసారమే మరిగిన మనసు
కలనేము, తిమ్మటలు గైకొనేది యరుదా
చ. 3:
పెనచి యింద్రియములఁ బేఁడినభవము
పనివడి చింతలకే పాలైనభవము
యెనలేని శ్రీవేంకటేశ నీకే శరణని
మనెఁ గాన యిఁక మీఁద మంచిదౌటరుదా