ఈ పుట ఆమోదించబడ్డది
రేకు: 0305-02 దేవగాంధారి సం: 04-026 కళ్యాణ కీర్తనలు
పల్లవి:
అమరాంగన లదె యాడేరు
ప్రమదంబున నదె పాడేరు
చ. 1:
గరుడవాహనుఁడు కనకరథముపై
యిరువుగ వీధుల నేఁగీని
సురలును మునులును సొంపుగ మోఁకులు
తెరలిచి తెరలిచి తీసేరు
చ. 2:
యిలధరుఁడదివో యింద్రరథముపై
కెలయుచు దిక్కులు గెలిచీని
బలు శేషాదులు బ్రహ్మశివాదులు
చెలఁగి సేవలటు సేసేరు
చ. 3:
అలమేల్మంగతో నటు శ్రీవేంకట
నిలయుఁ డరదమున నెగడీని
నలుగడ ముక్తులు నారాదాదులును
పొలుపు మిగులఁ గడుఁ బొగడేరు