ఈ పుట అచ్చుదిద్దబడ్డది
రేకు: 0261-6 రామక్రియ సం: 09-066
పల్లవి:
గుట్టుతో లోలో గొణఁగుట గాక
దట్టించి చెలులాల తను ననే దేమె
చ. 1:
ఆకసపుఁ జంద్రునికి నాసపడఁగా నేమి
వాకైరాని పతికి వలవఁగా నేమి
ఆకడ నందనిపంటి కఱ్ఱుచాఁచఁగా నేమి
జోకకురాని పతినిఁ జూడఁగా నేమి
చ. 2:
కొనబువెఱ్ఱి చెరకు కొనయేమి మొదలేమి
యెనయని పతిమాట లెన్నైనా నేమి
పొనిగి యంపలిచెట్టు పూచె నేమి కాచె నేమి
ననుచని పతి యంత నవ్వినా నేమి
చ. 3:
వసంతకాలము దప్పి వంబు గావఁగా నేమి
కసిగాటై యెలయించి కలయఁగా నేమి
యొసఁగి శ్రీ వెంకటేశుఁ డింతలోనె నన్నుఁ గూడె
వసమైన మీఁద నింక వాసు లెంచ నేమి